Вынес тумбачку з грашыма...

У Мiнску супрацоўнiкi мiлiцыi вышукваюць невядомага зладзюжку, якi ў 39-гадовай жанчыны выкраў з кватэры тумбачку, дзе ляжала прыстойная сума. Злачынца, у якога быў час з васьмi па шаснаццаць гадзiн дня, паквапiўся менавiта на тумбачку, дзе i былi прыхаваныя грошы. Як выявiлася, здабычай невядомага сталi тры мiльёны рублёў i 250 долараў.

  "Здабывалi" бронзу з помнiкаў

Праваахоўнiкамi затрыманы двое шкоднiкаў, якiя ў Слуцку выкрадалi мемарыяльныя плiты, а нанесены iмi ўрон ацэньваецца больш як у 12,5 мiльёна рублёў.Нi адзiн, нi другi нiдзе не вучацца i не працуюць, таму, мабыць, i вырашылi "падзарабiць". У прыватнасцi, з бюста маршала Жукава ў Слуцку яны выкралi мемарыяльную плiту з бронзы, а таксама мемарыяльную плiту з гранiтнага каменя ў помнiка Святой Сафii Княжны Слуцкай, i кольца, якое належыць прыходу Свята-Мiхайлаўскага Сабора. У iх канфiскаваная адна мемарыяльная плiта.

Ігар ГРЫШЫН.