Ад рыбы можна падрасцi!

Упершыню ўсе прыхiльнiкi рыбы i пiва, а таксама майстры ў мастацтве i навуцы прыгатавання рыбных страў змаглi паўдзельнiчаць у Фестывалi рыбы, якi праходзiў у сталiчным клубе "Белатра". Гэта свята — адно з самых вясёлых у свеце, i стартавала яно ў Балгарыi, iнiцыятыву перахапiлi Іспанiя, Паўднёвая Карэя i Беларусь. На працягу тыдня гасцям фестывалю прапаноўвалi дэгустацыi разнастайных страў, правялi Свята пiва i нават выбралi "Рыбны Оскар-2009". Салата "Фiладэльфiя", "Рыба па-царску", "Сёмга-грыль пад соусам" — гэтыя i iншыя стравы ацэньвалi гледачы i журы. Спявак Аляксей Хлястоў, якi ўваходзiў у склад судзейскай калегii, пажартаваў: "Недзе чуў, што ад рыбы можна падрасцi. Магчыма, мне i пашчасцiць?".