Чацвярню нарадзіла жыхарка Ашмянаў

Як расказаў лекар‑гінеколаг Ашмянскага тэрытарыяльнага медыцынскага аб’яднання Сяргей Гучык, гэта першыя роды маладой мамы, яны праходзілі ў рэспубліканскім навукова‑практычным цэнтры «Маці і дзіця». 
Марыя Лукашэвіч нарадзіла блізнят — двух хлопчыкаў і двух дзяўчынак. Вага кожнага з дзяцей — да 2 кг.

Немаўляткі пачуваюцца добра. Аднак некалькі тыдняў, а магчыма і месяц, яны будуць знаходзіцца ў медыцынскім установе, пакуль кожны з іх не набярэ па 2 кг.

Нараджэнне чацвярні — гэта ўнікальны выпадак для Гродзеншчыны. У гэтай сувязі ў Ашмянскім тэрытарыяльным цэнтры сацыяльнага абслугоўвання насельніцтва для нованароджаных шукаюць няню. Бацька блізнят Уладзімір Лукашэвіч, які працуе электраманцёрам Ашмянскага ўчастка Гродзенскага СМУ‑4, купіў ужо два ложкі: кожны для двух малых.
Пакуль шматдзетная сям’я не мае свайго жылля і будзе жыць у невялікай двухпакаёвай кватэры маці Марыі, дзе вельмі складана размясціць чатыры дзіцячыя ложкі.


Аналагічныя роды, калі на свет з’явілася чацвярня, былі ў Мінску пяць гадоў таму.