Лукашэнка павіншаваў беларусаў з Днём Кастрычніцкай рэвалюцыі

Дарагія суайчыннікі!

Сардэчна віншую вас са святам - Днём Кастрычніцкай рэвалюцыі.

Па шматгадовай традыцыі мы адзначаем гэту яркую гістарычную дату. Нягледзячы на розныя сучасныя ацэнкі, застаецца несумненным, што Вялікая Кастрычніцкая сацыялістычная рэвалюцыя адкрыла новую эпоху ў развіцці чалавецтва, ператварыла ў жыццё такія асноўныя прынцыпы, як права нацый на самавызначэнне, павага да людзей працы, сацыяльная справядлівасць. Яна стварыла ўмовы для нацыянальнага адраджэння многіх народаў, утварэння сусветнай дзяржавы - Савецкага Саюза.

Сацыяльна-эканамічныя і культурныя дасягненні СССР былі сапраўды беспрэцэдэнтнымі. Яны ўпісаны ў гераічны летапіс баявых перамог і працоўных здзяйсненняў.

Беларусы паважліва ставяцца да гэтай лёсавызначальнай даты, паколькі дзякуючы падзеям 1917 года ўпершыню набылі сваю дзяржаўнасць.

Атрымаўшы ў спадчыну ўсё лепшае з мінулага, беларускі народ у складаных умовах мэтанакіравана ідзе па шляху ўмацавання маладой суверэннай дзяржавы, з аптымізмам глядзіць у будучыню.

Шчыра жадаю вам, дарагія суграмадзяне, здароўя, шчасця і ўпэўненасці ў заўтрашнім дні.

Няхай вам заўсёды спадарожнічае поспех у працы на карысць любімай Айчыны.

Аляксандр Лукашэнка.