Мінчанка выкінула з дзевятага паверху двухгадовых сыноў‑блізнят

Мінчанка, знаходзячыся ў неадэкватным стане, выкінула з дзевятага паверху двух сваіх сыноў — двухгадовых блізнят.

Як паведамілі ў праваахоўных органах, гэта адбылося ў ноч з 24 на 25 кастрычніка ў доме па вул. Адоеўскага ў Мінску. Выкінуўшы блізнят, жанчына сама спрабавала скінуцца з дзевятага паверху з трэцім сынам ва ўзросце сямі месяцаў. Аднак зрабіць ёй гэта не ўдалося. Дзіця адабраў яе старэйшы, чацвёрты, сын і ўцёк.

Блізняты былі дастаўленыя ў бальніцу, дзе адзін з іх ад атрыманых траўм памёр.