«Малады фронт» будзе ўдзельнічаць у мясцовых выбарах

24 кастрычніка Сойм «Маладога Фронту», на які сабралася 32 чалавекі, адзінагалосна прыняў рашэнне ўзяць актыўны ўдзел у мясцовых выбарах. Нагадаем, што выбары ў мясцовыя саветы павінны прайсці ў красавіку 2010 году.

«Мясцовыя выбары ёсць добрай платформаю для таго, каб маладыя лідэры, новыя актывісты вучыліся працы з людзьмі, збору подпісаў, што дапаможа ім у вызначальнай прэзідэнцкай кампаніі 2011 году», — кажа Зміцер Дашкевіч.

Раней пра свой удзел у мясцовых выбарах заявіў Рух «За свабоду» Аляксандра Мілінкевіча.