Дух — гэта, людзi, Я!

Пад такiм назовам 31 кастрычнiка 2009 года ў вёсцы Гарошкаў, непадалёк ад Рэчыцы, адбудзецца традыцыйнае свята паэзii ў гонар Анатоля Сыса. У свяце бяруць удзел родныя i землякi Анатоля, ягоныя сябры, а таксама вядомыя беларускiя паэты, барды i мастакi.

Пачнецца свята а 12-й гадзiне на Гарошкаўскiх могiлках ускладаннем кветак да надмагiльнага помнiка паэту i адкрыццём мемарыяльнай дошкi. Далей пачнуцца паэтычныя чытаннi i бардаўскi канцэрт на падворку роднай хаты Анатоля Сыса. Любы чалавек можа далучыцца да iмпрэзы.