У Грэцыi запалены агонь Алiмпiяды-2010

У грэчаскiм горадзе Алiмпiя запалены агонь зiмовай Алiмпiяды 2010 года. У адпаведнасцi з традыцыяй агонь быў запалены з дапамогай сонечных промняў. Ён будзе гарэць да канца Алiмпiяды, якая пройдзе з 12 па 28 лютага 2010 года ў канадскiм Ванкуверы. У найблiжэйшыя некалькi месяцаў адбудзецца эстафета алiмпiйскага агню. Яна пачнецца ў Грэцыi, а праз восем дзён паходня будзе перададзена арганiзатарам Алiмпiяды ў Ванкуверы.

Гохран РФ прадасць за мяжу буйную партыю золата ўпершыню з часоў СССР

Гохран Расii ў 2009 годзе ўпершыню з часоў СССР прадасць за мяжу буйную партыю золата, паведамляецца са спасылкай на крынiцу ў фондзе. Раней Расiя прадавала золата з Гохрана, аднак аб'ёмы рэалiзацыi каштоўнага металу вылiчалiся толькi сотнямi кiлаграмаў.

У агульнай складанасцi, Гохран плануе прадаць золата на 44,4 мiльярда расiйскiх рублёў, пры агульным плане рэалiзацыi каштоўнасцяў у 47,4 мiльярда рублёў. Улiчваючы кошт каштоўнага металу, Гохран можа прадаць каля 1,44 мiльёна унцый, або 44,89 тоны золата.

Цэнтрабанкi G20 могуць перашкодзiць росту еўра

Цэнтральныя банкi вядучых краiн свету могуць распачаць захады для аслаблення курсу еўра, калi яго рост да долара працягнецца, паведамiла агенцтва Blооmbеrg са спасылкай на прагноз аналiтыкаў UBS.

Па вынiках сустрэчы мiнiстраў эканомiкi i фiнансаў краiн ЕС было вырашана абясцэнiць еўра з дапамогай Кiтая.

"Курс еўра ў 1,5 долара — гэта катастрофа для еўрапейскай эканомiкi i прамысловасцi", — заявiў напярэдаднi Анры Гэно, асабiсты дарадца прэзiдэнта Францыi Мiкаля Сарказi. Акрамя таго, еўрапейскiя палiтыкi занепакоеныя адначасовым ростам еўра да кiтайскага юаня. Пекiн са снежня 2008 года штучна падтрымлiвае нiзкi курс юаня дзеля ўласных экспарцёраў. У кiтайскiх рэзервах толькi з-за гэтых мераў назапасiлася больш за 68 млрд долараў за верасень.

Прыднястроўе абрала Сцяг Перамогi дзяржаўным сiмвалам

Вярхоўная Рада Прыднястроўя прыняла закон аб прыраўноўваннi Чырвонага Сцяга Перамогi ў Вялiкай Айчыннай вайне да дзяржаўнага сiмвала рэспублiкi.

Аўтар законапраекта, дэпутат Яўген Шаўчук прапанаваў такiм чынам "увекавечыць перамогу, мужнасць i гераiзм савецкага народа ў Вялiкай Айчыннай вайне", распавялi ў прэс-службе ўрада непрызнанай рэспублiкi, дадаўшы, што законапраект быў распрацаваны па аналогii з дзейным законам РФ. З гэтага часу Сцяг Перамогi будзе ўзнiмацца на дзяржустановах Прыднястроўя ў святочныя днi.

У Баварыi выпусцiлi эратычны каляндар для папулярызацыi сялянскай працы

Саюз маладых фермераў Баварыi выпусцiў эратычны каляндар "Gеrmаn Girls Еditiоn 2010" з маладымi сельскiмi працаўнiцамi з Германii i Аўстрыi, паведамляе iнтэрнэт-выданне Thе Lосkаl.

Каляндар заклiканы змянiць традыцыйныя ўяўленнi аб сельскай гаспадарцы i зрабiць фермерскую працу больш прывабнай для моладзi. Як адзначаецца на сайце Саюза, каляндар прысвечаны "ўсiм маладым фермеркам Нямеччыны i Аўстрыi, якiя з упэўненасцю ў сабе i з задавальненнем займаюцца сельскай працай".