...

Кожная шостая жанчына ў Беларусi пасля 50 гадоў церпiць ад астэапарозу. У мужчын у гэтай узроставай групе такое захворванне сустракаецца намнога больш рэдка — у працэнтных адносiнах паказчык роўны 5-6 %. Такiя звесткi прагучалi на мiжнароднай навукова-практычнай канферэнцыi "Сучасныя аспекты лячэння астэапарозу" ў Мiнску.

Пяцiгадовае дзiця ў Полацкiм раёне трапiла ў бальнiцу з падазрэннем на атручэнне пацучыным ядам. Падчас адпачынку на дачы хлопчык выявiў атрутную сумесь i з'еў некалькi зярнятак. З падазрэннем на атручэнне яго даставiлi ў Цэнтральную гарадскую бальнiцу Наваполацка. На гэты раз малому пашанцавала — ён з'еў усяго некалькi семак, якiя дадала ў сумесь бабуля. Як высветлiлася, яму трапiлiся семкi, якiя не былi прапiтаныя атрутай, а служылi прынадай, што фактычна i выратавала хлопчыка. На працягу сутак урачы назiралi за яго станам, бралi кантрольныя аналiзы, а пасля выпiсалi.

Бiёлагi засталi дэльфiнаў за гульнёй у футбол медузамi ў залiве Кардыган каля берагоў Вялiкабрытанii. Падчас назiрання, якое вялi навукоўцы, адна з жывёлiн, што праследавалi карабель, хвастом выштурхнула вялiкую медузу ў паветра. Імправiзаваны мячык падляцеў у вышыню больш чым на 2 метры i плюхнуўся ў ваду. Такiя ж дзеяннi з жэлепадобнымi арганiзмамi зрабiлi i многiя iншыя дэльфiны. Вучоныя знялi гульню на вiдэакамеру. Раней нiчога падобнага людзi не бачылi.