Цянюта прынёс прысягу пад нацыянальным сцягам

У нядзелю 18 кастрычніка шараговец Андрэй Цянюта прыняў урачыстую прысягу. Ён адзін з дзесятка актывістаў апазіцыі, прызваных служыць за апошні час.

На цырымонію ў полацкую вайсковую частку прыехалі бацькі жаўнера, а таксама сябры з Гомеля й Менска.

Яны і ўзнялі нацыянальны бел-чырвона-белы сцяг у часе прынясення прысягі Цянютам. Зазначым, што маладафронтацы заўважылі ў часці на прысязе супрацоўніка Віцебскага КДБ.

Увесь дзень Андрусь Цянюта прабыў з роднымі й сябрамі.