Дзве даты. 14 кастрычніка

1842 год — нарадзiўся Эдвард Вайніловіч, гаспадарчы i палiтычны дзеяч Беларусi. Скончыў Пецярбургскi тэхналагiчны iнстытут. Узначальваў Мiнскае таварыства сельскай гаспадаркi. У 1906 годзе быў абраны членам Дзяржаўнай рады Расiйскай iмперыi. З 1911-га — дэпутат Мiнскай губернскай земскай управы. У 1918 годзе выступiў з планам адраджэння ВКЛ. Быў прыхiльнiкам незалежнай Беларусi, выступаў супраць падзелу Беларусi ў 1920 годзе паводле Рыжскага дагавора. У памяць сваiх дзяцей у 1910 годзе пабудаваў Мiнскi касцёл Сiмяона i Алены.   1964 год — пленум ЦК КПСС вызвалiў ад займаемай пасады першага сакратара ЦК Мiкiту Хрушчова i абраў новым партыйным кiраўнiком Леанiда Брэжнева.