У Манчэстэры ўсталявалi "распранаючы" сканер

У аэрапорце Манчэстэра ўсталяваны сканер, якi дазваляе ўбачыць на экране цела пасажыра. Пры дапамозе новага абсталявання пасажыры змогуць праходзiць агляд, не разуваючыся i не здымаючы рамянёў.

На экране прыбора можна будзе ўбачыць пратэзы, у тым лiку сiлiконавыя грудзi, пiрсiнг, а таксама выразны малюнак усiх частак цела, уключаючы генiталii. Спецыялiсты запэўнiваюць, што малюнкi не будуць насiць эратычнага характару i будуць выдаляцца адразу пасля прагляду супрацоўнiкам службы бяспекi. Тыя пасажыры, якiя не захочуць праходзiць праз гэты сканер, змогуць прайсцi стандартную працэдуру агляду. Па словах кiраўнiцтва аэрапорта, апраменьванне ад прыбора не з'яўляецца небяспечным для здароўя пасажыраў. Кожны прыбор каштуе прыкладна 80 тысяч фунтаў стэрлiнгаў (больш за 125 тысяч долараў). У ЗША такое абсталяванне ўжо выкарыстоўваецца ў шматлiкiх мiжнародных аэрапортах.