Аль-Каiда знаходзiцца на мяжы банкруцтва

Мiжнародная тэрарыстычная арганiзацыя "Аль-Каiда" знаходзiцца на мяжы банкруцтва, тады як радыкальны рух "Талiбан" усё больш паляпшае сваё фiнансавае становiшча.

Да такой высновы прыйшоў Мiнфiн ЗША, якi апублiкаваў даклад аднаго са сваiх топ-менеджараў, Дэвiда Коэна. Паводле яго слоў, у апошнi час "Аль-Каiда" знаходзiцца ў цяжкiм фiнансавым становiшчы i iмклiва губляе ўплыў. Толькi ў першай палове гэтага года арганiзацыя ўжо чатыры разы публiчна звярталася з просьбай аб матэрыяльнай дапамозе да сваiх аднадумцаў. Тым часам фiнансавае становiшча "Талiбана" з кожным годам усё больш паляпшаецца. Па меркаваннi спецыялiстаў мiнiстэрства, асноўны прыбытак групоўка атрымлiвае ад мясцовых жыхароў, якiя займаюцца законным прадпрымальнiцтвам, якiм яна дае заступнiцтва, а таксама вымагае грошы ў афганскiх фермераў, якiя вырошчваюць опiумны мак. Немалыя сумы на карысць радыкальнага руху ахвяруюць яго прыхiльнiкi з краiн Персiдскага залiва.