Вiртуозы барнай стойкi
Не кожны жанглёр паўторыць трукi бармэна
Дзевяць фiналiстаў спаборнiцтва бармэнаў па флейрынгу Planet Z — Flair Open Minsk 2009 вызначылi ў Мiнску.
Трэцi этап спаборнiцтва выявiў апошнiх удзельнiкаў фiналу. Гэта магiляўчанiн
Алег Ляжэнка, мiнчане Генадзь Нiканчык i Андрэй Пятрэнка. Яны далучацца да шасцi
бармэнаў, якiя 10 лiстапада паспрачаюцца за званне лепшага бармэна-флеера ў Беларусi.
Яркае шоу з элементамi жанглявання, вiртуозным прыгатаваннем кактэйлю праходзiла
ў мiнскай кавярнi Barberry.
За пяць хвiлiн кожнаму ўдзельнiку неабходна было прыгатаваць тры кактэйлi. Прычым два з iх у тэхнiцы працоўнага флейрынгу, а трэцi — у тэхнiцы паказальнага.
Журы ацэньвала выступленне бармэнаў па дзвюх пазiцыях: флеер i паказ. У флееры ацэньвалася колькасць выкарыстаных прадметаў, крэатыў (уласныя трукi), складанасць i зладжанасць праграмы. Крытэрыi паказу — уменне падаць кактэйль, збалансаванасць праграмы (кактэйль павiнен гатавацца на працягу пяцi хвiлiн), узаемадзеянне з музыкай i ўпэўненасць бармэна. Штрафныя балы налiчвалiся за падзенне, пралiванне, разбiты посуд, няправiльную працэдуру прыгатавання кактэйлю i iнш. Каб ацанiць сапраўдны талент бармэна, смакавыя якасцi кактэйляў не ацэньвалiся, а ўдзельнiкi выступалi ў аднолькавых майках.
Судзiць беларускiх бармэнаў прыехала спецыяльнае журы з Украiны. Гэта каманда цэнтра "Planet Z", якая з'яўляецца прадстаўнiком WFA — сусветнай арганiзацыi бармэнаў.
— Для бармэна ўдзел у такiх конкурсах — добрая магчымасць для прафесiйнага росту. Бармэн, якi валодае ў дасканаласцi тэхнiкай флейрынгу, робiць максiмальныя продажы. I гэта добра ведаюць гаспадары бараў цi клубаў, — кажа вядучы Сяргей Хораў.
— Не кожны жанглёр можа паўтарыць тое, што робiць бармэн, — тлумачыць Сяргей Кадацкi, член журы, заснавальнiк цэнтра "Planet Z". — Бутэлька з вадкасцю — не простая булава, якую выкарыстоўваюць у цырку. Яна сябе паводзiць зусiм па-iншаму. Хачу адзначыць, што беларускiя бармэны маюць вельмi добры патэнцыял. I цяпер яны могуць прэтэндаваць на ўдзел у сусветных конкурсах па флейрынгу. Дарэчы, адна з мэтаў конкурсу — спрыянне ўступленню Беларусi ў сусветную асацыяцыю бармэнаў.
Фiнал, па словах арганiзатараў, абяцае быць вельмi яркiм i прыгожым.
Настасся Занько.
Даведка "Звязды":
Флейрынг (англ.: талент, стыль) — гэта прыгатаванне кактэйляў вольным стылем з выкарыстаннем элементаў жанглявання. Пачынальнiкам флейрынгу лiчаць Джэры Томаса, якi жыў у Амерыцы ў другой палове ХIХ стагоддзя. Менавiта ён упершыню стаў падпальваць i пералiваць гарачыя кактэйлi з бакала ў бакал. Яго кнiга "Bartender's Guide", напiсаная ў 1862 годзе, да гэтага часу лiчыцца настольнай кнiгай бармэнаў. Папулярным флейрынг стаў пасля выхаду фiльма "Кактэйль" у 1988 годзе з удзелам Тома Круза i Браяна Бруна.
— гэта прыгатаванне кактэйляў вольным стылем з выкарыстаннем элементаў жанглявання. Пачынальнiкам флейрынгу лiчаць Джэры Томаса, якi жыў у Амерыцы ў другой палове ХIХ стагоддзя. Менавiта ён упершыню стаў падпальваць i пералiваць гарачыя кактэйлi з бакала ў бакал. Яго кнiга "Bartender's Guide", напiсаная ў 1862 годзе, да гэтага часу лiчыцца настольнай кнiгай бармэнаў. Папулярным флейрынг стаў пасля выхаду фiльма "Кактэйль" у 1988 годзе з удзелам Тома Круза i Браяна Бруна.
— гэта прыгатаванне кактэйляў вольным стылем з выкарыстаннем элементаў жанглявання. Пачынальнiкам флейрынгу лiчаць Джэры Томаса, якi жыў у Амерыцы ў другой палове ХIХ стагоддзя. Менавiта ён упершыню стаў падпальваць i пералiваць гарачыя кактэйлi з бакала ў бакал. Яго кнiга "Bartender's Guide", напiсаная ў 1862 годзе, да гэтага часу лiчыцца настольнай кнiгай бармэнаў. Папулярным флейрынг стаў пасля выхаду фiльма "Кактэйль" у 1988 годзе з удзелам Тома Круза i Браяна Бруна.