Пратэрмiноўка па iпатэцы ў ЗША дасягнула рэкорднага ўзроўню

Па вынiках жнiўня, 7,58 % амерыканскiх iпатэчных пазычальнiкаў мелi прынамсi месячную пратэрмiноўку па плацяжах, у лiпенi гэты паказчык складаў 7,32 %. Жнiвеньскi паказчык з'яўляецца рэкордным для рынку iпатэкi ЗША.

У жнiўнi мiнулага года 30-дзённая пратэрмiноўка была ў 4,89 % пазычальнiкаў, а ў жнiўнi 2007 года — у 3,44 %. Павелiчэнне колькасцi амерыканцаў, якiя не выплачваюць своечасова працэнты па крэдытах, аналiтыкi звязваюць з высокiм узроўнем беспрацоўя. Эксперты адзначаюць, што ўслед за ростам колькасцi пратэрмiновак па iпатэцы можа пачацца рост колькасцi iпатэчных банкруцтваў пазычальнiкаў i адчуджэнняў банкамi нерухомасцi ў залiк пакрыцця абавязкаў. Па звестках кампанii RеаltуTrас, у жнiўнi гэтага года апавяшчэннi аб будучай канфiскацыi "iпатэчнага" жылля атрымалi больш за 358 тысяч пазычальнiкаў. Гэты паказчык на 1 % меншы, чым у лiпенi, але на 18 % вышэйшы за паказчыкi жнiўня 2008 года.

Павышэнне пенсiйнага ўзросту — супраць крызiсу?

Фiнляндыя заклiкае лiдараў еўрапейскiх дзяржаў неадкладна абгаварыць шляхi выхаду з антыкрызiсных мераў, прынятых падчас эканамiчнага спаду. Акрамя таго, мiнiстр фiнансаў Юркi Катайнен заяўляе, што iгнараванне гэтых мераў прывядзе да новай рэцэсii.

Акрамя таго, кiраўнiк мiнфiна лiчыць, што калi ў хуткiм часе не зрабiць якiх-небудзь крокаў, накiраваных на выхад з антыкрызiсных мераў, уведзеных падчас цяперашняга эканамiчнага спаду, сусветнай эканомiцы не абмiнуць новай рэцэсii. Таму Катайнен прапаноўвае кiраўнiкам сусветных дзяржаў сустрэцца для рашэння гэтага пытання. Для хутчэйшага вяртання эканомiк найбуйнейшых дзяржаў да дакрызiснага ўзроўню, iх урады павiнны хутчэй прыняць рашэнне аб павышэннi пенсiйнага ўзросту i скарачэннi памеру грашовай дзяржаўнай дапамогi прыватным кампанiям. Другiм крокам, па словах Катайнена, павiнна стаць скаардынаванасць у галiне падаткаабкладання.

У Францыi лiквiдавалi "пуштунскiя джунглi"

У французскiм партовым горадзе Кале прайшла аперацыя па зносе так званых "пуштунскiх джунгляў", трушчобаў, размешчаных уздоўж берага пралiва Па-дэ-Кале, самай вузкай часткi Ла-Манша, населеных нелегальнымi iмiгрантамi. У вынiку былi затрыманыя 278 чалавек.

На правядзенне аперацыi вартавым парадку спатрэбiлася каля дзвюх гадзiн. Хутка палiцыя прыступiць да зносу намётавага лагера, у якiм iмiгранты, у асноўным выхадцы з Афганiстана i Паўднёвай Азii, уладкавалi сабе жыллё. Чакаецца, што ўлады краiны акажуць выселеным жыхарам "джунгляў" дапамогу або даўшы iм прытулак у Францыi, або аформiўшы iм дакументы для вяртання на радзiму. Вялiкая частка нелегальных мiгрантаў селiцца па берагах Ла-Манша для таго, каб перабрацца ў Вялiкабрытанiю.

Bаnk оf Аmеriса пакараюць

Амерыканская Камiсiя па каштоўных паперах i бiржах (SЕС) заявiла аб падачы iска супраць Bаnk оf Аmеriса. Рэгулятары плануюць пакараць адзiн з найбуйнейшых банкаў ЗША за падман iнвестараў накшталт выплаты бонусаў на шэсць мiльярдаў долараў кiраўнiкам Mеrrill Lуnсh, iнвестбанка, набытага Bank of America ў вераснi 2008 года.

Пасля набыцця Mеrrill кiраўнiцтва банка паабяцала, што нiякiя бонусы супрацоўнiкам паглынутай кампанii не будуць выплачвацца без рашэння акцыянераў. Аднак пазней Bаnk оf Аmеriса заплацiў бонусы топ-мэнэджарам Mеrrill Lуnсh агульным аб'ёмам у 5,8 мiльярда долараў нават нягледзячы на тое, што iнвестбанк страцiў летась 27,6 мiльярда долараў. Гэты факт выклiкаў незадаволенасць рэгулятараў i амерыканскай грамадскасцi. Прадстаўнiкi SЕС заяўляюць, што маюць намер пакараць банк за падобнае выдаткоўванне сродкаў.