Дзве даты. 19 верасня

1905 год — нарадзiўся (в. Сялiба сёння Бярэзiнскага раёна) Янка Тумiловiч, беларускi паэт. З'яўляўся членам лiтаратурных аб'яднанняў "Маладняк" i "Проблiск". У 1926 годзе выдаў паэтычны зборнiк "Пунсовая ранiца", працаваў выкладчыкам у Вышэйшай палiтасветшколе, у рэдакцыi газеты "Пiянер Беларусi". У 1936 i 1937 гадах паэт арыштоўваўся, быў асуджаны да 7 гадоў папраўча-працоўных лагераў, у 1938-м расстраляны. Рэабiлiтаваны ў 1940 годзе.     1923 год — у Савецкiм Саюзе прынята пастанова "Аб набатным звоне", якая прадпiсвала знiмаць з цэркваў званы, з-за iх "непатрэбнасцi".