Белпошта выпусцiла мастацкi канверт, прысвечаны VІ Нацыянальнай выставе Рэспублiкi Беларусь у Лiтве

Рэспублiканскае ўнiтарнае прадпрыемства УА "Белпошта" выпусцiла мастацкi канверт з арыгiнальнай маркай, прысвечаны VI Нацыянальнай выставе Рэспублiкi Беларусь у Лiтоўскай Рэспублiцы "БеларусьЭкспа-2009". Яна пройдзе ў сталiцы суседняй дзяржавы з 16 да 19 верасня. На канверце сталiчныя мастакi Яўген Сiманенка, Iван Лукiн адлюстравалi сiлуэты старажытных кварталаў Мiнска i Вiльнюса.

Як паведамiлi ў РУП "Белпошта", распрацаваны i памятны спецштэмпель, якi будзе выкарыстоўвацца ў час правядзення спецыяльнага гашэння ў днi працы выставы. Намiнал маркi "А" на мастацкiм канверце адпавядае тарыфу перасылкi простага лiста ў межах Рэспублiкi Беларусь.

Вiктар КУШНАРОЎ. "Мiнск—Навiны".

"Мiнск—Навiны".

Каментарыяў: 0 Даслаць каментарый Iмя