...
Намiнальная налiчаная сярэднямесячная заработная плата работнiкаў Беларусi ў студзенi-лiпенi гэтага года склала Br968,6 тыс. У лiпенi сярэдняя зарплата складала Br1 млн 35,2 тыс. — на 2 працэнты (на Br20,4 тыс.) больш у параўнаннi з чэрвенем 2009 года. Рэальная налiчаная заработная плата ў лiпенi гэтага года павялiчылася на 1,6 працэнта да чэрвеня 2009 года, а ў параўнаннi з лiпенем 2008 года зменшылася на 0,9 працэнта.
У Лунiнецкiм раёне вучань сярэдняй школы затрыманы за захоўванне наркотыкаў. У доме 16-гадовага жыхара вёскi Галы Бор аператыўнiкi канфiскавалi каля кiлаграма марыхуаны.
На беларуска-ўкраiнскай мяжы памежны атрад выявiў тайнiк кантрабандыстаў. У iм знаходзiлася каля паўтоны журавiн, падрыхтаваных для нелегальнага перамяшчэння праз мяжу. Гэта самы хадавы тавар восенню для кантрабанды. Ягаду збiраюць у Беларусi i перапраўляюць ва Украiну. Уся ягада перададзеная ў Мазырскую мытню.
ПОЎНЫ АБЗАЦ
Каментарыяў: 0 Даслаць каментарый |