У будаўнiчай галiне Беларусi захаваецца ўзважаны падыход да цэнаўтварэння

У будаўнiчай галiне Беларусi захаваецца ўзважаны падыход да цэнаўтварэння. Аб гэтым заявiў журналiстам вiцэ-прэм'ер Беларусi Вiктар Бура, перадае БЕЛТА.

"Наша сiстэма цэнаўтварэння (у будаўнiцтве. — Заўвага БЕЛТА) на прасторах СНД — адна з самых прагрэсiўных з пункту гледжання эканамiчнай накiраванасцi i фiксавання цэнаў з тым, каб не дапусцiць iх неабгрунтаванага росту", — сказаў Вiктар Бура.

На пытанне аб магчымасцi павышэння цэнаў у будаўнiцтве вiцэ-прэм'ер адказаў, што калi гэта будзе эканамiчна абгрунтавана коштам энерганосьбiтаў, то ад гэтых фактараў нiкуды не пойдзеш. Уплыў аказвае i паэтапны рост заработнай платы.

Паводле яго слоў, калi ацэньваць iндэксы кошту будаўнiча-мантажных работ, то яны ў гэтым годзе выглядаюць вельмi карэктна i сведчаць аб эфектыўнасцi работы па стрымлiваннi цэнаў. Акрамя таго, у Беларусi iмкнуцца да таго, каб новыя вытворчасцi былi менш энергазатратнымi i больш эфектыўнымi.