Аграрыі Карэліччыны актыўна працуюць на палях раёна: рыхтуюць глебу пад сяўбу яравых культур, закладваюць ураджай бягучага года, уносяць мінеральныя і арганічныя ўгнаенні.
Па стану на 5 красавіка пад сяўбу зерневых культур падрыхтавана 15855 га, што складае 79% агульных пасяўных плошчаў. СВК “Маяк-Заполле” і СВК “Жухавічы” поўнасцю справіліся з пастаўленай задачай.
Пасяўная кампанія-2019 на Карэліччыне ідзе поўным ходам. Аграрыі раёна сеюць авёс, ячмень, пшаніцу. На раніцу 5 красавіка пасеяна 4788 га яравых культур, альбо 24% ад запланаванай колькасці ў 20081 га.
Да сяўбы цукровых буракоў прыступілі тры гаспадаркі раёна: СВК “Маяк-Заполле”, СВК “Свіцязянка-2003” і КСУП “Цырын-Агра”.
Аксана ЯНУШ
Фота аўтара