Сцяг працоўнай славы на цэнтральнай плошчы Нясвіжа ўзняты ў гонар СВК “Агракамбінат Сноў”, дзе за 15 дзён мая рост валавой вытворчасці малака дасягнуў 104 % у параўнанні з аналагічным перыядам мінулага года пры надоі на адну фуражную карову 441 кг. Прыбаўка прадуктыўнасці каровы склала 17,1 кг.
Сярод усіх малочных ферм і комплексаў раёна найлепш ідуць справы на сноўскім малочнатаварным комплексе “Сычы”. Ад каровы ў суткі тут надойваюць у сярэднім 35 літраў малака. Рэалізуюць яго штодзённа больш за 30 тон. Таварнасць складае 94 %.
Тамара ПРАЛЬ-ГУЛЬ.