На Слонімскім ільнозаводзе ліквідавалі буйны пажар

На адкрытай пляцоўцы для захоўвання ільну ўдзень 27 траўня загарэлася сцірта ільнотрасты. Пра гэта выратавальнікам паведаміла мясцовая жыхарка. Праз пяць хвілін на месца прыбылі першыя падрадзяленні выратавальнікаў.Агулам для ліквідацыі пажару спатрэбілася 17 адзінак тэхнікі з баявым разлікам. Пажар быў ліквідаваны на працягу гадзіны, паведамляе БЕЛТА.

Агнём пашкоджаныя 20 т ільнотрасты. Сумеснымі высілкамі работнікаў МНС і прадпрыемства выратаваныя 50 т. Меркаваная прычына пажару - падпал. Цяпер шукаюць вінаватых.

Як растлумачылі ў МНС, ахова на прадпрыемстве была, аднак абыход па перыметры праводзіцца раз у 2 гадзіны.