У Мінску з’явілася вуліца Еўфрасінні Полацкай

20 мая ў Мінску з’явілася вуліца імя святой Еўфрасінні Полацкай. Рашэнне перайменаваць вуліцу Гандлёвую вынес Мінскі гарадскі Савет дэпутатаў.

Рашэнне Мінгарсавета апублікавана ў сённяшнім нумары газеты «Мінскі кур’ер» і ўступае ў сілу з моманту апублікавання.

Падобнае рашэнне прынята якраз напярэдадні дня ўспаміну ў Рускай Праваслаўнай Царкве святой Еўфрасінні. Памяць святой ушаноўваецца таксама ў трэцюю нядзелю пасля Пяцідзесятніцы.

catholic.by