Аляксандр Лукашэнка: Беларусь — ААЭ: поўная ўзаемадапаўняльнасць
Беларусь разлiчвае на паглыбленне супрацоўнiцтва з Аб'яднанымi Арабскiмi Эмiратамi ў розных сферах. Аб гэтым Прэзiдэнт Беларусi Аляксандр Лукашэнка заявiў 25 сакавiка на сустрэчы з наследным прынцам эмiрата Абу-Дабi — намеснiкам вярхоўнага галоўнакамандуючага Узброенымi сiламi ААЭ шэйхам Мухамедам бен Заiдам аль-Нахаянам.
"Імкненне Рэспублiкi Беларусь развiваць адносiны з ААЭ — свядомы выбар i жаданне будаваць паўнацэннае ўзаемадзеянне з дружалюбнай нам дзяржавай. Мы адчуваем аналагiчны падыход i з эмiрацкага боку", — заявiў кiраўнiк дзяржавы.
"У Рэспублiцы Беларусь спадзяюцца, што актыўны палiтычны дыялог з ААЭ i далей будзе дынамiчна развiвацца. Мы нацэлены на паступальны вывад нашых адносiн на якасна новы ўзровень узаемадзеяння, якi ахопiць усе ключавыя напрамкi ў галiне палiтыкi i эканомiкi", — адзначыў Аляксандр Лукашэнка.
Шэйх Мухамед бен Заiд аль-Нахаян пацвердзiў iнтарэс да ўмацавання беларуска-эмiрацкiх сувязяў i развiцця ўзаемавыгаднага супрацоўнiцтва.
Прэзiдэнт Беларусi таксама правёў сустрэчу з намеснiкам прэм'ер-мiнiстра — мiнiстрам унутраных спраў ААЭ шэйхам Сейфам бен Заiдам аль-Нахаянам. Аляксандр Лукашэнка адзначыў дынамiчнае развiццё ААЭ ў розных сферах, у тым лiку ў будаўнiцтве, турызме, нафтаздабычы. Гэты вопыт, на думку кiраўнiка дзяржавы, можа быць запатрабаваны i ў Беларусi. "У нас узаемадапаўняльныя, не канкурыруючыя адна з адной эканомiкi. Мы бачым вялiкае поле дзейнасцi для нашых кампанiй у Эмiратах i вялiкiя сферы прыкладання для вас у Беларусi. Таму калi мы тут перасякаемся, калi гэта выгадна i цiкава, мы не павiнны страчваць час, мы павiнны супрацоўнiчаць, — адзначыў Прэзiдэнт Беларусi. — Нас задавольвае, што Эмiраты нiколi нам не выстаўлялi нiякiх папярэднiх умоў для супрацоўнiцтва. Тым больш мы не маем намеру абумоўлiваць наша супрацоўнiцтва нейкiмi палiтычнымi ўмовамi".
Паводле слоў Сейфа бен Заiда аль-Нахаяна, ААЭ зацiкаўлены ў развiццi супрацоўнiцтва з Беларуссю па ўсiх напрамках. "Мы ведаем, што ў Беларусi добра развiты прамысловасць, сельская гаспадарка, iншыя напрамкi, што Беларусь з'яўляецца адным з лiдараў сярод краiн Усходняй Еўропы па тэмпах росту эканомiкi. Мы згодны з вамi ў тым, што трэба ствараць эканамiчную базу нашага супрацоўнiцтва", — падкрэслiў вiцэ-прэм'ер ААЭ.
"Мы ведаем, што ў 2000-я гады Беларусь развiвалася вельмi хуткiмi тэмпамi, што ВУП вашай краiны рос прыкладна на 8-9 працэнтаў кожны год. Калi параўнаць з ЗША, то ў iх рост у той жа час складаў 1-2 працэнты. Таму ваш рост быў вельмi высокi, мы ўсё гэта адзначаем", — заўважыў Сейф бен Заiд аль-Нахаян.
"Я цалкам згодны з вашымi словамi i прапановамi. У мяне ёсць указаннi Прэзiдэнта i наследнага прынца па развiццi супрацоўнiцтва з вашай краiнай, i мы абазначым канкрэтныя праекты, якiя зможам выканаць", — дадаў ён.
За кароткi прамежак часу адносiны памiж Беларуссю i ААЭ значна ўмацавалiся. Яны характарызуюцца высокiм узроўнем адкрытасцi, даверу i актыўнымi палiтычнымi кантактамi, што з'яўляецца надзейнай асновай для далейшага развiцця беларуска-эмiрацкага дыялогу як у галiне палiтыкi, так i эканомiкi.
Прэс-служба Прэзiдэнта Рэспублiкi Беларусь.