Камфортныя ўмовы для бізнэсу

Урад Беларусі гатовы стварыць камфортныя ўмовы для больш актыўнай работы бізнэсу Казахстана на беларускім рынку

Аб гэтым заявіў учора ў Астане на беларуска-казахстанскім дзелавым форуме прэм'ер-міністр Беларусі Міхаіл Мясніковіч, перадае карэспандэнт БЕЛТА.

Кіраўнік урада адзначыў магчымасць больш актыўнай прысутнасці казахстанскіх кампаній на рынку Беларусі як рэзідэнтаў. "Мы будзем ствараць усе неабходныя камфортныя ўмовы, каб казахстанскім кампаніям было эканамічна эфектыўна працаваць у Беларусі", — заявіў ён.

Казахстан выйшаў на трэцяе месца па тавараабароту з Беларуссю пасля Расіі і Украіны. "З улікам аб'ёмаў паслуг мы, лічу, ужо ў бягучым годзе можам выйсці на $1 млрд. па ўзаемным гандлі, і наш патэнцыял значна перавышае гэты ўзровень", — падкрэсліў Міхаіл Мясніковіч.