Дашкевіч знайшоўся ў Мазыры

“Дашкевіч знайшоўся ў Мазыры! Папраўчая калонія-20!” – такі запіс сёння пад вечар зрабіла ў “Фэйсбуку” нявеста палітвязня Наста Палажанка.

Нагадаем, што ўжо дватыдні ад Дзмітрыя Дашкевіча не было ніякіх звестак. Пасля таго, як яму “дадалі” год пазбаўлення волі нібыта за грубыя парушэнні рэжыму папраўчай установы, ён быў пераведзены з Глыбокага ў Віцебск. Але адвакат не змагла сустрэцца са сваім падабаронным. Учора ёй паведамілі, што Дашкевіч “пайшоў па этапе”, але не сказалі – куды. І вось высветлілася, дзе Зміцер будзе адбываць новае пакаранне. Нагадем, што менавта ў Мазыры сядзеў былы палітвязень Андрэй Клімаў.