Консул Германіі скардзіцца на дзеянні беларускіх сілавікоў

Супрацоўнікі міліцыі адпусцілі ўсіх затрыманых журналістаў. У міліцыі Фрунзенскага раёна знаходзіца консул амбасады Германіі.

Ён прыехаў у міліцыю пасля таго, як даведаўся аб затрыманні нямецкіх журналістаў, якія маюць акрэдытацыю МЗС Беларусі для працы падчас выбараў у Палату прадстаўнікоў.

Консул мае намер падаць скаргу на дзеянні прадстаўнікоў улады. Нямецкія журналісты пасля брутальнага затрымання невядомымі ў цывільным правялі больш за дзве гадзіны ў пастарунку міліцыі разам са сваім беларускімі калегамі.