Уладзімір Макей назначаны міністрам замежных спраў Беларусі

Прэзідэнт Беларусі Аляксандр Лукашэнка вызваліў Сяргея Мартынава ад пасады міністра замежных спраў у сувязі з пераходам на іншую работу. Аб гэтым БЕЛТА паведамілі ў прэс-службе беларускага лідара.

Кіраўнік дзяржавы назначыў міністрам замежных спраў Уладзіміра Макея, вызваліўшы яго ад пасады кіраўніка Адміністрацыі Прэзідэнта Рэспублікі Беларусь.

Адпаведныя ўказы Аляксандр Лукашэнка падпісаў 20 жніўня.