АДКБ неабходна рэагаваць на пазiцыю Узбекiстана i сiтуацыю ў Таджыкiстане

Арганiзацыi Дагавора аб калектыўнай бяспецы (АДКБ) неабходна рэагаваць на пазiцыю Узбекiстана i сiтуацыю ў Таджыкiстане. Такое меркаванне выказаў Прэзiдэнт Беларусi Аляксандр Лукашэнка 31 лiпеня на сустрэчы з генеральным сакратаром АДКБ Мiкалаем Бардзюжам, паведамiлi БЕЛТА ў прэс-службе беларускага лiдара.

Кiраўнiк беларускай дзяржавы папрасiў генсакратара АДКБ праiнфармаваць аб сiтуацыi ў Таджыкiстане. "Гэта член нашай арганiзацыi. Сiтуацыя няпростая, i зварот Прэзiдэнта Таджыкiстана без увагi пакiнуць нельга", — лiчыць беларускi лiдар.

Акрамя таго, Аляксандр Лукашэнка пацiкавiўся ў Мiкалая Бардзюжы пазiцыяй Узбекiстана: "Што за пазiцыя, што ляжыць у яе аснове?" "Вы сустракалiся з кiраўнiцтвам Расii, ведаеце iх пазiцыю", — дадаў кiраўнiк дзяржавы.

"Рашэнне прымаць трэба, нiкуды не дзенешся", — канстатаваў Аляксандр Лукашэнка.

Мiкалай Бардзюжа падкрэслiў, што ўсе адзначаныя тэндэнцыi негатыўнага плана. "Яны сведчаць аб тым, што сiтуацыя абвастраецца вакол постсавецкай прасторы i на постсавецкай прасторы, i Таджыкiстан — гэта праяўленне тэндэнцыi на негатыўнае развiццё абстаноўкi", — адзначыў ён.

Адносна ноты Узбекiстана з просьбай спынiць членства ў арганiзацыi Мiкалай Бардзюжа далажыў аб аналiзе, якi правёў Сакратарыят сумесна з Пастаянным саветам, наступстваў, якiя будуць мець месца ў сувязi з такiм рашэннем Узбекiстана. Па ноце Узбекiстана рашэннi павiнны прымаць прэзiдэнты краiн — членаў АДКБ, сказаў Мiкалай Бардзюжа.

Генеральны сакратар АДКБ далажыў кiраўнiку беларускай дзяржавы аб бягучай дзейнасцi арганiзацыi, падрыхтоўцы да вучэнняў.