Вілейскі дэпутат збіраецца пратэставаць супраць парушэння ягоных канстытуцыйных правоў
12.03.2012 08:47
—
Новости Политики
Вілейскі дэпутат збіраецца пратэставаць супраць парушэння ягоных канстытуцыйных правоў
Westki.info
Дэпутат Вілейскага раённага Савета дэпутатаў Іосіф Маціюн падаў заяву на правядзенне пікету, мэтай якога акрэсліў выказванне пратэсту супраць парушэння ягоных канстытуцыйных правоў. Заяўнік лічыць, што ён падвяргаецца пераследу за адстойванне асабістага меркавання па палітычных і эканамічных пытаннях. У прыватнасці, з-за гэтага з ім не працягнулі працоўны кантракт.
Іосіф Маціюн з’яўляецца сябрам Беларускай партыі левых "Справядлівы свет". Ён прымаў актыўны ўдзел у так званых “рэвалюцыях па серадах”. Меркавана, ягоная актыўныя грамадзянская пазіцыя і стала прычынай, па якой ён згубіў працу настаўніка гісторыі ў мясцовай гімназіі.