Прэзідэнт Рэспублікі Карэя накіраваў прывітанне Аляксандру Лукашэнку

Прэзідэнту Беларусі Аляксандру Лукашэнку паступіла прывітанне Прэзідэнта Рэспублікі Карэя Лі Мён Бака з нагоды 20-годдзя ўстанаўлення дыпламатычных адносін паміж дзвюма краінамі. Аб гэтым БЕЛТА паведамілі ў прэс-службе кіраўніка беларускай дзяржавы.

Лі Мён Бак выказаў упэўненасць, што беларуска-карэйскія дыпламатычныя адносіны будуць садзейнічаць умацаванню дружалюбных сувязяў паміж краінамі і паглыбленню супрацоўніцтва ў розных сферах.