Алег Пякарскі вызвалены ад пасады першага намесніка міністра ўнутраных спраў

Прэзідэнт Беларусі вызваліў палкоўніка міліцыі Алега Пякарскага ад пасады першага намесніка міністра ўнутраных спраў — начальніка крымінальнай міліцыі. Указ аб гэтым Аляксандр Лукашэнка падпісаў 16 студзеня.

Алег Пякарскі звольнены з органаў унутраных спраў у запас Узброеных Сіл у сувязі з учыненнем праступкаў, якія дыскрэдытуюць званне супрацоўніка органаў унутраных спраў.

Прэс-служба Прэзідэнта Рэспублікі Беларусь