Падзяка Прэзідэнта Беларусі аб'яўлена гендырэктару "Софрына" Яўгену Пархаеву

Падзяка Прэзідэнта Рэспублікі Беларусь аб'яўлена генеральнаму дырэктару таварыства з абмежаванай адказнасцю "Мастацка-вытворчае прадпрыемства Рускай праваслаўнай царквы "Софрына" (Расійская Федэрацыя) Яўгену Пархаеву. Адпаведнае распараджэнне Аляксандр Лукашэнка падпісаў 12 студзеня.

Такой высокай ацэнкі ўдастоены Яўген Пархаеў за шматгадовую творчую дзейнасць па захаванні лепшых традыцый царкоўных мастацтваў, вялікі ўклад у аднаўленне храмаў і манастыроў, развіццё дзелавых і культурных сувязяў з Беларуссю.

Прэс-служба Прэзідэнта Рэспублікі Беларусь.