Найгрубейшая правакацыя

Так называе кіраўнік КДБ В. Зайцаў заявы аб затрыманні актывістак Femen яго супрацоўнікамі.

— Нашы людзі іх не чапалі, як бы гэтага камусьці ні хацелася, — запэўніў журналістаў у парламенце старшыня Камітэта дзяржаўнай бяспекі Вадзім ЗАЙЦАЎ.

Так ён пракаментаваў распаўсюджаную ў СМІ інфармацыю пра тое, што пасля акцыі ля будынка КДБ 19 снежня ўдзельніцы ўкраінскай арганізацыі Femen былі затрыманы супрацоўнікамі Камітэта дзяржбяспекі. В. Зайцаў выказаў упэўненасць, што "развіваецца найгрубейшая правакацыя", і паабяцаў разабрацца ў самы блізкі час у тым, якія ў яе мэты, характар і хто за ёю стаіць.

Зоя ВАРАНЦОВА.