Прэзідэнт Рэспублікі Беларусь 4 кастрычніка прыняў шэраг кадравых рашэнняў

Аляксандр Лукашэнка вызваліў Віктара Галаванава ад пасады Міністра юстыцыі.

Кіраўнік дзяржавы прызначыў выканаўцам абавязкаў Міністра юстыцыі першага намесніка Міністра юстыцыі Аляксандра Білейчыка.

Адпаведныя ўказы Аляксандр Лукашэнка падпісаў 4 кастрычніка.

Прэзідэнт таксама даў згоду на вызваленне Уладзіміра Карпука ад пасады дырэктара Дэпартамента па геалогіі Міністэрства прыродных рэсурсаў і аховы навакольнага асяроддзя Беларусі за здзяйсненне правіннасці, якая несумяшчальная са знаходжаннем на дзяржаўнай службе.