Падрыхтаваны праект указа аб аказанні аднаразовай матэрыяльнай дапамогі бюджэтнікам і пенсіянерам

Падрыхтаваны праект указа Прэзідэнта Беларусі "Аб аказанні аднаразовай матэрыяльнай дапамогі", які прадугледжвае выплаты матэрыяльнай дапамогі работнікам бюджэтнага сектара, непрацуючым пенсіянерам і шэрагу непрацуючых атрымальнікаў дапамог на сезонную закупку сельскагаспадарчай прадукцыі ў памеры Br500 тыс. на чалавека. Аб гэтым паведамілі БЕЛТА ў Міністэрстве фінансаў.

Дакумент падрыхтаваны ў адпаведнасці з даручэннем кіраўніка дзяржавы. Фінансаванне расходаў на выплату матэрыяльнай дапамогі ажыццяўляецца за кошт сродкаў рэспубліканскага бюджэту, мясцовых бюджэтаў і Фонду сацыяльнай абароны насельніцтва, гэта значыць тых жа крыніц, з якіх праводзіцца выплата заработнай платы, грашовага забеспячэння, пенсій, дапамог.

Выплаты будуць праведзены за кошт дадатковых даходаў бюджэтнікаў усіх узроўняў і Фонду сацыяльнай абароны насельніцтва, а таксама аптымізацыі іх расходаў. Пры гэтым у Мінфіне падкрэслілі, што нават з улікам гэтых выплат плануецца, што бюджэт сектара дзяржаўнага кіравання (кансалідаваны бюджэт Рэспублікі Беларусь і бюджэт Фонду сацыяльнай абароны насельніцтва) будзе бездыфіцытным па выніках гэтага года.