Аляксандр Лукашэнка павіншаваў Прэзідэнта Венгрыі з Днём святога Іштвана

Кіраўнік дзяржавы Аляксандр Лукашэнка ад імя беларускага народа і сябе асабіста павіншаваў Прэзідэнта Венгерскай Рэспублікі Пала Шміта і народ гэтай краіны з нацыянальным святам — Днём святога Іштвана.

Прэзідэнт Беларусі выказаў надзею на далейшае пашырэнне паміж краінамі палітычнага дыялогу, заснаванага на прынцыпах узаемнай павагі і супрацоўніцтва. Аляксандр Лукашэнка таксама выказаў упэўненасць у паспяховым развіцці дружалюбных беларуска-венгерскіх адносін на карысць нашых народаў, умацаванні бяспекі на еўрапейскім кантыненце.

Прэс-служба Прэзідэнта Рэспублікі Беларусь.