Беларусь афіцыйна прызнала Паўднёвы Судан у якасці суверэннай і незалежнай дзяржавы

Рэспубліка Беларусь заяўляе аб сваім афіцыйным прызнанні Рэспублікі Паўднёвы Судан у якасці суверэннай і незалежнай дзяржавы. Аб гэтым карэспандэнту БЕЛТА паведамілі ў прэс-службе Міністэрства замежных спраў Беларусі.

"Наша краіна вітае дасягненне дамоўленасцяў аб стварэнні новай дзяржавы мірным шляхам на аснове рэферэндуму, які адбыўся ў студзені 2011 года. Рэспубліка Беларусь выказвае зацікаўленасць у развіцці ўзаемавыгаднага двухбаковага супрацоўніцтва з Рэспублікай Паўднёвы Судан ва ўсіх галінах у інтарэсах дабрабыту і працвітання абедзвюх нацый", — гаворыцца ў адпаведнай заяве МЗС.