Аляксандр Лукашэнка накіраваў прывітанне ўдзельнікам адкрытага чэмпіянату Беларусі па самба на прызы Прэзідэнта Беларусі

Прэзідэнт Беларусі Аляксандр Лукашэнка накіраваў прывітанне ўдзельнікам этапа Кубка свету "Адкрыты чэмпіянат Рэспублікі Беларусь па самба на прызы Прэзідэнта Рэспублікі Беларусь". Аб гэтым карэспандэнту БЕЛТА паведамілі ў прэс-службе беларускага лідара.

"Беларускія балельшчыкі маюць унікальную магчымасць сустрэцца са знакамітымі спартсменамі сваёй краіны і прызнанымі майстрамі самба з-за мяжы. А нашы госці могуць бліжэй азнаёміцца з Беларуссю", — гаворыцца ў прывітанні.

Кіраўнік дзяржавы выказаў упэўненасць, што правядзенне прэстыжнага і відовішчнага чэмпіянату не толькі садзейнічае развіццю гэтага віду адзінаборстваў, але і прыцягвае ўсё больш людзей да заняткаў фізічнай культурай.