Ператрус у Змітра Вінаградава ў Мядзеле

6 студзеня адбыўся ператрус у прадпрымальніка, грамадскага актывіста Змітра Вінаградава ў Мядзелі.

Ператрус адбываўся ў другой палове дня і працягваўся каля гадзіны. Яго праводзілі ўпаўнаважаны Мядзельскага аддзела КДБ Сяргей Маліноўскі і трое міліцыянтаў — старшы лейтэнант Пятро Вайцюлян, маёр Аляксандр Кабяк і лейтэнант Дзяніс Лук’янец.

«Абышлі ўсе пакоі, пераглядзелі ўсе рэчы. Забралі сістэмны блок, ноўтбук і дзве флэшкі», — кажа сп. Вінаградаў.

Начальнік мясцовага аддзела КДБ вусна паабяцаў, што верне кампутары праз тыдзень. Найбольш Змітра Вінаградава непакоіць тое, што праз канфіскацыю аргтэхнікі часова будзе паралізаваны яго бізнэс.