Качан Алег Леанідавіч

Міністр спорту і турызму

Качан Алег Леанідавіч нарадзіўся ў 1967 годзе ў горадзе Чэрвені Мінскай вобласці. У 1986 годзе скончыў Смілавіцкі саўгас-тэхнікум Дзяржаграпрама БССР, у 1992-м — Брэсцкі дзяржаўны педагагічны інстытут імя А.С. Пушкіна.

З 1992 па 1998 год працаваў трэнерам-выкладчыкам у дзіцяча-юнацкіх спартыўных школах Мінскай вобласці. У 1998—2002 гадах быў загадчыкам аддзела па фізічнай культуры, спорту і турызму Лагойскага райвыканкама Мінскай вобласці, з 2002 года — намеснікам старшыні Лагойскага райвыканкама. З 2004-га працаваў начальнікам упраўлення фізічнай культуры, спорту і турызму Мінскага аблвыканкама.

З чэрвеня 2009 года — міністр спорту і турызму Рэспублікі Беларусь.