На Змітра Дашкевіча завялі крымінальную справу

Яго вінавацяць у збіцці двух чалавек. Дашкевіч знаходзіцца ў ІЧУ ГУУС Мінгарвыканкаму.

На сайце МУС Беларусі з’явілася паведамленне пра затрыманне Змітра Дашкевіча. Прыводзім яго цалкам.

18 снежня ў 18.30 у аператыўна-дзяжурную службу Фрунзенскага РУУС Раённае ўпраўленне ўнутраных спраў г.Мінска звярнуўся кандыдат у Прэзідэнты Рэспублікі Беларусь Віталь Рымашэўскі і заявіў, што, па яго звестках, у гэты дзень у 16.00 быў выкрадзены «сябар» яго ініцыятыўнай групы Дзмітрый Дашкевіч. Па дадзеных заяўніка, аб выкраданьні яму стала вядома з інтэрнэту, а сама «выкраданне» мела месца па вуліцы Панамарэнкі: нібыта невядомыя людзі схапілі Дашкевіча, пасадзілі яго ў мікрааўтобус і павезлі ў невядомым кірунку.

Аднак у паказаны заяўнікам час Д. Дашкевіч прымаў самы актыўны ўдзел ... у бойцы! Аб тым, што ў двары жылога дома па вул. Я. Брыля трое хуліганаў збіваюць двух хлопцаў, у 16.25 па тэлефоне «102» паведаміў відавочца бойкі. Прыбылыя на месца здарэння супрацоўнікі палка міліцыі спецыяльнага прызначэння спынілі бойку і тым самым выратавалі двух маладых людзей ад трох хуліганаў, сярод якіх апынуўся Д. Дашкевіч.

Усе ўдзельнікі канфлікту былі неадкладна дастаўлены ў Маскоўскае РУУС Раённае ўпраўленне ўнутраных спраў г.Мінска. Адзін з пацярпелых сур"ёзна пацярпеў ад хуліганаў і атрымаў множныя целавыя пашкоджанні, таму яму спатрэбілася дапамога медыцынскіх работнікаў - для гэтага ён быў дастаўлены ў 9-ю гарадскую клінічную бальніцу.

У ходзе далейшага разбору было ўстаноўлена, што Дашкевіч Д.В. з двума сваімі прыяцелямі (Лобаў Эдуард і Лазар Дзяніс), па паказаным адрасе з хуліганскіх падахвочванняў беспадстаўна і наўмысна, кулакамі і металічным абцугамі зьбілі двух грамадзян. Па дадзеным факце ў дачыненні да Дашкевіча, Лобава і Лазара СА ПР Маскоўскага РУУС Раённае ўпраўленне ўнутраных спраў г.Мінска ўзбуджаная крымінальная справа па ч.3 арт.339 КК Крымінальны кодэкс РБ Рэспубліка Беларусь (Хуліганства). У 16.30 падазраваныя былі затрыманыя ў парадку ст.108 КПК РБ Рэспубліка Беларусь і дастаўленыя ў ІЧУ ГУУС Галоўнае ўпраўленне ўнутраных спраў Мінгарвыканкама.