За Лукашэнку ў тэмпе вальса

У Брэсце каля мясцовага ЦУМа гарадскі аркестр два дні агітаваў галасаваць за Лукашэнку.

27—28 лістапада ў Брэсце прайшоў пікет у падтрымку дзеючага кіраўніка краіны. Сябры грамадскага аб’яднання «Белая Русь» раздавалі агітацыйныя матэрыялы. Надпісы на плакатах, якія людзі трымалі ў руках, запрашалі галасаваць за Лукашэнку і казалі «Разам — за Беларусь».

Як вынікае з відэароліка, зробленага з месца падзей і выкладзенага на youtube, гарадскі аркестр падтрымліваў пікетоўцаў вальсамі.