Крэмль рэзка адрэагаваў на

Такой была афіцыйная рэакцыя Масквы на заявы Аляксандра Лукашэнкі наконт яго выказванняў па пытанні аб магчымасці прызнання Беларуссю незалежнасці Паўднёвай Асеціі і Абхазіі.

Памочнік прэзідэнта РФ, Сяргей Прыходзька, каментуючы па просьбе журналістаў словы Лукашэнкі, перш за ўсё адзначыў, што «не Аляксандру Рыгоравічу казаць тут аб непаслядоўнасці». «Гэтая катэгорыя скарыстаная якраз у адносінах да яго (Лукашэнкі)», -- упэўнены Прыходзька.

«Што тычыцца пытання аб прызнанні рэспублікай Беларусь рэспублікі Паўднёвая Асеція і рэспублікі Абхазія, то калі будзе такое жаданне, мы можам апублікаваць тую частку стэнаграмы паседжання АДКБ, у якой змяшчаюцца словы прэзідэнта Беларусі на гэтую тэму", -- сказаў памочнік прэзідэнта Расеі.

«Можам апублікаваць і іншыя выказванні Аляксандра Лукашэнкі, якія будуць даволі цікавымі як беларускай, так і міжнароднай грамадскасці», -- дадаў Прыходзька.

У пятніцу кіраўнік Беларусі заявіў, што Дзмітрый Мядзведзеў не зусім сумленна перадае выказванні Лукашэнкі па дадзеным пытанні. «Я не хацеў бы дыскутаваць на гэтую тэму, проста расійскі калега нядобрасумленна выцягвае з кантэксту пэўныя рэчы», -- сказаў Лукашэнка.