Украіна адмовілася ад уступлення ў АДКБ

Украіна не будзе ўступаць у Арганізацыю дамовы аб калектыўнай бяспецы (АДКБ), заявіў прэс-сакратар украінскага МЗС Аляксандр Дзікусараў.

«Для прэзідэнта і ўрада Украіны пытанне ўступлення ў АДКБ не стаіць», — цытуе словы Дзікасарава ІТАР-ТАСС.

У АДКБ уваходзяць Арменія, Беларусь, Казахстан, Кыргызстан, Расея, Таджыкістан і Узбекістан.