Раманчук праставіў Лябедзьку скрынку піва

Цікавая спрэчка адбылася паміж старшынём партыі АГП Анатолем Лябедзькам і ягоным намеснікам Яраславам Раманчуком.

Перад пачаткам чэмпіянату свету па футболе палітыкі пайшлі ў заклад аб пераможцы турніру.

«Я з’яўляюся даўнім фанатам футболу. З 1974 года не прапусціў ніводнага сусветнага першынства. Самі гуляем у футбол штодзень разам з Анатолем, — кажа Я.Раманчук. —

Я паставіў на Галандыю, Лябедзька — на Іспанію.

Увогуле, мой прагноз быў Галандыя — Бразілія, а Анатоль ставіў на Іспанія — Аргенціна. Лацінаамерыканцы да фіналу не дайшлі, а вось еўрапейскія каманды там якраз і сышліся».

«У выніку іспанцы аказаліся мацней.

Лябедзька меў права выбару, учора былі ў Літве, дык я праставіў яму скрыню піва Švyturys. Паколькі я не ўжываю алкаголь, то Лябедзька абяцаў мне ў выпадку перамогі скрыню квасу», — смяецца Я.Раманчук.