Віцэ-спікер Дзярждумы асудзіў Рубінава за крытыку Пуціна

Віцэ-спікер Дзярждумы ад партыі «Справядлівая Расея» Аляксандр Бабакоў у інтэрв’ю gazeta.ru моцна раскрытыкаваў кіраўніка верхняй палаты беларускага парламента Анатоля Рубінава за з’едлівыя заўвагі на адрас расейскага кіраўніцтва, агучаныя ў артыкуле Рубінава у газеце «Советская Белоруссія».

«Масква, як вядома, слязам не верыць. Масква не верыць парожнім абяцанням і запэўніванням. Асабліва — тых, хто заяўляе, што «не просіць у свайго саюзніка ніякіх датацый і ніякіх прэферэнцыяў», адначасова атрымліваючы каласальныя льготы дзякуючы унікальна нізкім цэнам на энерганосьбіты «, — заявіў Бабакоў

«Расея верыць справам», — пафасна заявищ ён. — «Яна верыць у сяброўства і агульнае будучыню расійскага і беларускага народаў, іх супрацоўніцтва і інтэграцыю. І таму

падтрымлівае суседзяў: пастаўляючы танны газ (па $184 — самая нізкая цана сярод краін СНД), пастаўляючы без пошлін нафту для ўнутранага беларускага спажывання (6,3 млн тон)».

«Што мы атрымліваем наўзамен, усё бачаць і ведаюць.

І некаторыя рэчы цяжка назваць інакш, як палітыканства «, — ацаніў Бабакоў артыкул старшыні савета рэспублікі Беларусі.

Далей віцэ-спікер крытычна ацаніў ідэю Рубінава пра тое, што беларускі лідэр Аляксандр Лукашэнка стаў кіраўніком рэспублікі ў выніку канкурэнтнай барацьбы, падчас якой ён атрымаў падтрымку народа Беларусі, а расейскія прэзідэнты (пачынаючы з Пуціна) былі прыведзеныя да ўлады «за ручку».

На яго думку, «тым, хто піша сёння рознага роду артыкулы на гэтую тэму, варта было б паважаць выбар нашага народа. Асабліва — улічваючы нашы гістарычныя сувязі і сённяшнія адносіны. А тое, што мы чытаем сёння — гэта непавага».

МБ