Віншаванні Прэзідэнта

Прэзідэнт Рэспублікі Беларусь Аляксандр Лукашэнка накіраваў віншаванні Прэзідэнту Італьянскай Рэспублікі Джорджа Напалітана, Старшыні Савета Міністраў Італьянскай Рэспублікі Сільвіа Берлусконі з нагоды нацыянальнага свята — Дня абвяшчэння Рэспублікі.

Аляксандр Лукашэнка з задавальненнем адзначыў прагрэс, дасягнуты за мінулы год у двухбаковым дыялогу паміж Беларуссю і Італіяй.

Кіраўнік беларускай дзяржавы выказаў надзею, што далейшае плённае развіццё беларуска-італьянскага супрацоўніцтва будзе садзейнічаць пашырэнню сяброўскіх адносінаў паміж народамі нашых краін, росту ўзаемаразумення і стабільнасці ў Еўропе.