Аляксей Грышын стаў уладальнікам прэміі Прэзідэнта Беларускі спартыўны Алімп

Спецыяльная прэмія Прэзідэнта Рэспублікі Беларусь "Беларускі спартыўны Алімп" 2010 года ў памеры 350 базавых велічынь прысуджана спартсмену-інструктару нацыянальнай каманды Беларусі па фрыстайле Аляксею Грышыну. Указ аб гэтым Аляксандр Лукашэнка падпісаў 17 мая.

Як адзначылі ў прэс-службе, прэмія Аляксею Грышыну прысуджана за дасягненне высокіх спартыўных вынікаў на міжнародных спаборніцтвах і заваяванне залатога медаля на ХХІ зімовых Алімпійскіх гульнях 2010 года ў г. Ванкуверы (Канада), актыўную дзейнасць па папулярызацыі фізічнай культуры і спорту.