У Беларусі ўдакладнены паўнамоцтвы Міжведамаснай камісіі па разглядзе хадайніцтваў аб вызваленні юрыдычных асобаў і ІП ад спагнанняў
Удакладнены паўнамоцтвы і зменены склад Міжведамаснай камісіі па разглядзе хадайніцтваў аб вызваленні юрыдычных асобаў і індывідуальных прадпрымальнікаў ад адміністрацыйных спагнанняў. Гэта прадугледжана ўказам № 228 "Аб унясенні змяненняў і дапаўнення ва Указ Прэзідэнта Рэспублікі Беларусь ад 17 кастрычніка 2005 г. № 481", які падпісаў кіраўнік дзяржавы.
Нарматыўным актам устаноўлена, што парадак ўнясення на разгляд Прэзідэнта Беларусі хадайніцтваў аб вызваленні юрыдычных асобаў і індывідуальных прадпрымальнікаў ад адміністрацыйных спагнанняў, устаноўлены ўказам № 481, можа прымяняцца для вызвалення ад выплаты пені, налічанай у адпаведнасці з пунктам 9 парадку разлікаў паміж юрыдычнымі асобамі, індывідуальнымі прадпрымальнікамі ў Рэспубліцы Беларусь, зацверджанага ўказам Прэзідэнта Беларусі ад 29 чэрвеня 2000 года № 359.
Прадугледжана выплата суб'ектамі гаспадарання, якія атрымалі за кошт сродкаў бюджэтаў папярэднюю аплату і не выканалі або неналежна выканалі абавязацельства па пастаўцы тавару (прадукцыі), выкананні работ, аказанні паслуг у тэрміны, вызначаныя дагаворамі, пені пакупніку (заказчыку) за кожны пратэрмінаваны дзень з залічэннем яе ў даход адпаведнага бюджэту. Да прыняцця ўказа прававы механізм вызвалення ад гэтай пені адсутнічаў.
У сувязі з кадравымі перастаноўкамі карэктуецца склад міжведамаснай камісіі. У яе ўключаны міністр па падатках і зборах Уладзімір Палуян, міністр эканомікі Мікалай Снапкоў, міністр працы і сацыяльнай абароны Мар'яна Шчоткіна. Выключаны са складу камісіі Ганна Дзяйко, Мікалай Зайчанка, Уладзімір Патупчык.
Указ уступае ў сілу з дня яго афіцыйнага апублікавання.
Прэс-служба Прэзiдэнта Рэспублiкi Беларусь.